પૈસાથી આવી જાય છે કેવી નિરાંત જો,
મૂરખનું માન પણ અહીં થાતું વિરાટ જો!
આ નોટની છે રોજની રમત બડું કપટ,
માણસની હાર-જીત ને કાગળની પાટ જો!
ખિસ્સું તો હમેશાં રહે છે ઠેરનું જ ઠેર,
માણસના છતાં માલથી બદલાય ઠાઠ જો!
લક્ષ્મી તો ચંચળા છે ચતુરાઈભરી છે,
જાશે તો તાણતી જશે એ રાજપાટ જો!
આદમ ને ઈવથી અહીં સુધીનું સત્ય જાણ,
પ્રેમ જ ખરી છે સંપત્તિ, સાચી મિરાત જો!
શર્મિલ આ ભરતી-ઓટને, નિર્લેપ થઈને જો,
માણીશ તો મળશે બધે ખુશીઓ અપાર જો!
- સંજય વિ. શાહ ‘શર્મિલ’
