25 Paise Coin
અલવિદા પાવલી
ભૂંસાઈ ગયું ભલે આજે તારું અસ્તિત્વ
કદી નહી ભૂલશું તારું અદકેરું મહત્વ
ભલે તું કહેવાતી નાની અમથી પાવલી
તું હતી અમને હરદમ હરઘડી વહાલી
મૂલ્ય હતું તારું ભલે પૂરા આના ચાર
મૂલ્ય થતું રૂપિયો જ્યારે મળતી તમે ચાર
રોકડા સવા રૂપિયાનું કરાતું જ્યારે શુકન
જરૂર પડતી તારી ને હરખાતું તારું મન
કોઈ તને તુચ્છકાર રૂપે કહેતું ચવન્ની
પછી હોય ભલે તેમની આમદની અઠન્ની
જ્યારે કોઈમાં લાગતી બુધ્ધિની ખામી
એમ કહેવાતું કે એનામાં તારી છે કમી
સોંઘારતમાં તારા થકી ખરીદાતી ઘણી વસ્તુ
મોંઘારતમાં આજે કંઈ પણ ન મળે સસ્તું
તારી વિદાય સૂચવે કે નથી કાયમ કોઈની હસ્તી
કાળની ગર્તામાં વિલીન થઈ મટી જશે સહુની હસ્તી
—————————————
Poem Written by My Friend Amit Gudka
———————————————————-
