સાવ અમસ્તી…

Sandal Tree

હવે પછી જે કાગળ લખીએ કોરાં કોરાં લખીએ?

દાયણ, ચંદનના દરવાજા અમથી વાતો કરીએ?

સાવ અમસ્તી ઇચ્છાઓ ને સાવ અમસ્તી ઇર્ષ્યા…

સાવ છલોછલ મનનો દરિયો સુર વિના તીરકીટધા…

સાવ અમસ્તાં વાદળ વરસે તોય બને છપ્પનિયો,

સૂકી ધરતી જેવું હૈયું નિંદામણથી હૈયો?

કાલુંઘેલું અપનાવીને મેલું મેલી દઈએ?

દાયણ, ચંદનના દરવાજા અમથી વાતો કરીએ?

હોઠ પલાણે શબ્દોને પણ નહીં લાગણી ભોળી

ખોલી ઊભી રહી જાશે એ મતલબની સૌ ઝોળી

પરમ પૂજ્યથી પૂગે લિખિતંગ કેટકેટલા વાંધા

વરસ વરસની તરસની વચ્ચે કેમ કરીશું સાંધા?

સાચા-ખોટા, મારા-તારા, મૂકી મોજથી તરીએ?

દાયણ, ચંદનના દરવાજા અમથી વાતો કરીએ?

- સંજય વિ. શાહ ‘શર્મિલ’