મને વરસાદે બકી કરી છે!
ઓ ફેસબૂકની દીવાનાઓ, આજે તો ગર્વ સાથે કહી દો ઝકરબર્ગને…. કે મને ફેસબૂક કરતાં વધારે વરસાદ ગમે છે! મને લાઇક, શેઅર કે એપ્સ કરતાં, વીજળી, ઝરમર અને ઝાપટું ગમે છે! તારા ફેસબૂક પર તો હું મિથ્યા મજા માણું છું, પણ આ બારીની બહાર જો જરા, તારી કંપની થકી એડ કરેલા અને ક્યારેય નહીં મળેલા કે મળનારા, સો-કોલ્ડ ફ્રેન્ડ્ઝ કરતાં, ઓહ યસ, ઓહ યસ, હું વાદળોના ગડગડાટને માણું છું! અરે માર્ક, જરા માર્ક તો કર, કે માણસ જ્યારે કુદરતની ફાઇનબૂકમાંથી ઉઘડતા, આ ચાર-માસી પ્રકરણને મેઘધનુષી મોહબ્બત કરે છે, ત્યારે તારું ફેસબૂક તો શું, આખું ઇન્ટરનેટ પાણી ભરે છે! ચાલ હવે, બહુ થઈ ચર્ચા, ફેસબૂક પર પોસ્ટ કરવા માટે આટલી લપ્પન-છપ્પન ઘણી છે, કારણકે કોઈ માને કે ના માને પણ આજે મને વરસાદે, સાચા દિલથી બકી કરી છે! - સંજય વિ. શાહ ‘શર્મિલ’
